Arsenal na bukatar buga gasar zakarun Turai domin ta ci gaba da rike yan wasan ta irin su Bukayo Saka, in ji William Gallas
Arsenal na bukatar wasan kwallon kafa na gasar zakarun Turai domin jan hankalin ’yan wasa masu kyau da kuma ci gaba da rike irin su Bukayo Saka a Emirates.
Wannan shi ne ra'ayin tsohon kyaftin din kulob din William Gallas, wanda ya yi imanin cewa yana da 'mahimmanci' cewa Gunners ta kammala Wasanni a cikin kungiyoyi hudu na farko a wannan kakar.
A shekara ta 2016 ne Arsenal ta samu gurbin shiga gasar ta karshe kuma ta shafe shekaru biyar a waje da gasar cin kofin zakarun Turai, wanda hakan ya yi tasiri sosai akan kudaden shiga da kungiyar ke samu da kuma samun kwararrun ‘yan wasa.
Saka shi ne hasken kulob din a wannan kakar, inda ya zura kwallaye bakwai a wasanni 31 da ya buga a dukkan gasa.
Dan wasan na Ingila dai yana da sauran shekaru biyu a kwantaraginsa a Emirates kuma irinsu Manchester United da Liverpool sun sanya ido akan halin da dan wasan ke ciki, inda aka ce Saka ya jira ya ga yadda kakar wasa ta kare kafin a tantance halin da kwantiraginsa ke ciki.
Kuma, yana magana na musamman ga Metro.co.uk a madadin Bet365, Gallas ya ce Gunners na fuskantar hadarin rasa Saka,
Saka ya ce "Gasar cin kofin zakarun Turai ita ce mafi kyawun gasar da za a buga, jin wannan kida da kuma mafarkin daukar wannan kofi."
'Duk 'yan wasa suna mafarkin buga wasa da lashe gasar zakarun Turai, don haka yana da matukar muhimmanci Arsenal ta kasance a kakar wasa mai zuwa.
'Idan har suna son ci gaba da rike manyan 'yan wasa a kungiyarsu kuma su jawo Hankalin mafi kyawu yan Wasa a duniya, zuwa kungiyar to suna bukatar su kasance a gasar zakarun Turai"