Chelsea ta karbi bakuncin Arsenal a Stamford Bridge a gasar Premier a watan Oktoban 1999.
Kafin wannan wasan, Chelsea ta samu nasara a wasanni shida acikin tara na farko, ciki har da nasarar da suka yi akan Sir Alex Ferguson da ci 5-0, kuma har yanzu ba a zura mata kwallo a gida ba.
Da alama dai za su ci gaba da buga wasansu na gida ba tare da an zura masu ba, yayin da suke fafatawa da Arsenal suna kan gaba da ci 2-0 a cikin sama da mintuna 70, inda Tore Andre Flo da Dan Petrescu suka ci.Masu kwallaye
Sai dai Kanu Nwankwo ya zura kwallaye uku a minti na 75 da 83 da kuma 90 wanda hakan ya baiwa Gunners nasara mai ban mamaki.
Marc Overmars ne ya taimaka wa Kanu yaci kwallo ta daya da kuma ta biyu yayin da kwallo ta uku ta kasance wani gagarumin kokari da dan wasan Najeriya ya yi, wanda ya haifar da shahararren sharhin ga masu yi "Kan-U Believe It" na Martin Tyler.
Kanu ya zama gwarzon dan kwallon Afrika a karo na biyu a waccan shekarar kuma ya ci kwallaye 16 a dukkan gasa a wancan kakar.